ევროკავშირის ქვეყნებს კორონავირუსის ახალი შტამების გავრცელების თავიდან ასაცილებლად შეუძლიათ, თავიანთი შეხედულებისამებრ მიიღონ გადაწყვეტილება და დააწესონ აკრძალვა დიდი ბრიტანეთის მაცხოვრებლების შესვლისთვის და შეზღუდონ სატრანსპორტო კავშირები ამ ქვეყანასთან.
ცნობილია, რომ ევროკავშირის საზღვრები ბრიტანეთის მოქალაქეებისთვის, შესაძლოა, დაიხუროს სანამ კორონავირუსის ახალი შტამის საწინააღმდეგო ვაქცინის ეფექტურობა არ დადასტურდება..
"სადაც წევრი სახელმწიფოები საჭიროდ ჩათვლიან საზოგადოების ჯანმრთელობის დაცვის გაძლიერებას, მათ თავისუფლად შეეძლებათ, დროებით აკრძალონ მოგზაურობა და ტრანსპორტირება იმ ქვეყნებთან, სადაც ვირუსის სხვადასხვა ვარიანტია გავრცელებული", - ასეთი წინადადება წამოაყენა გერმანიის ხელისუფლებამ და კანცლერმა ანგელა მერკელმა ამ წინადადებას მხარი დაუჭირა.
ამავე დროს, ევროკავშირი აპირებს, უზრუნველყოს ლოგისტიკური კავშირები და შიდა ბაზრის მთლიანობის დაცვა, კერძოდ, ეს ეხება ტრანსსასაზღვრო ტრანსპორტს.
თეკო გიორგაძე
ავტორი