ევროკავშირმა უკრაინის ტერიტორიული მთლიანობის დარღვევისთვის რუსეთის წინააღმდეგ სანქციები კიდევ ექვსი თვით გაახანგრძლივა. შესაბამისი განცხადება ევროკავშირის საბჭოს ოფიციალურ ვეგბგვერდზე გამოქვეყნდა.
კერძოდ, უკრაინის ტერიტორიული მთლიანობის, სუვერენიტეტისა და დამოუკიდებლობის ხელყოფაზე პასუხისმგებელი პირების წინააღმდეგ სანქციების მოქმედების ვადა 2022 წლის 15 მარტამდე გახანგრძლივდა.
დოკუმენტის თანახმად, სანქციები მოიცავს სამოგზაურო შეზღუდვებს, ანგარიშების გაყინვას და ეკონომიკური საქმიანობის აკრძალვას ითვალისწინებს. სანქციები ვრცელდება 177 პირის და 48 კომპანიის წინააღმდეგ.
