ევროკავშირმა კორონავირუსის საწინააღმდეგო, რუსული წარმოების ვაქცინის, "Sputnik V-ის“ დამტკიცება გადადო. ინფორმაციას ამის შესახებ სააგენტო Reuters სანდო წყაროზე დაყრდნობით ავრცელებს.
სააგენტოს წყაროს ცნობით, რუსული ვაქცინის დამტკიცების გადადების მიზეზი ის გახდა, რომ ევროპის მედიკამენტების სააგენტოს საჭირო მონაცემები განსაზღვრულ ვადაში, 10 ივნისამდე არ წარუდგინეს.
"სპუტნიკის“ დამტკიცება, სავარაუდოდ, სექტემბრამდე, ან შესაძლებელია წლის ბოლომდეც კი, გადაიდო “, - განაცხადა წყარომ Reuters-თან საუბარში.
ამასთან, რუსეთის პირდაპირი ინვესტიციის ფონდი (RDIF) იმედოვნებს, ევროპის წამლის სააგენტოსგან (EMA) რუსული ვაქცინის რეგისტრაციას ორი თვის განმავლობაში მიიღებს.
