ევროკავშირს დიდი ბრიტანეთის ევროგაერთიანებიდან გასვლის შესახებ შეთანხმება კვლავ სურს. გარდა ამისა, ის ჩრდილოეთ ირლანდიაში ძალადობის დასრულების შესახებ ხელმოწერილ ხელშეკრულებას უჭერს მხარს. ამის შესახებ ევროკომისიის პრეს-სპიკერმა, მინა ანდრეევამ განაცხადა.
"ევროკავშირის პოზიცია არ იცვლება, ჩვენ შეთანხმება გვინდა, ჩვენ დიდ ბრიტანეთთან ვმუშაობთ და ვაცხადებთ, რომ ევროკავშირს "კარგი პარასკევის შეთანხმებისთვის" ზარალის მიყენება არ სურს", - განაცხადა ანდრეევამ.
„კარგი პარასკევის ხელშეკრულება“ დიდ ბრიტანეთსა და ირლანდიას შორის 1998 წელს გაფორმდა. ის უფლებებს, სამართლიანობას, დამოუკიდებლობის სტატუსსა და დემილიტარიზაციას ეხებოდა და მას ირლანდიელებმა რეფერენდუმზე მხარდაჭერა გამოუცხადეს.
მედეა ცხოვრებაძე
ავტორი