ევროკავშირი და იაპონია იმედოვნებენ, რომ მსოფლიოს მოსახლეობის 30% წლის ბოლომდე იქნება ვაქცინირებული.
ამის შესახებ ევროპული საბჭოს პრეზიდენტმა, შარლ მიშელმა ევროკავშირ-იაპონიის სამიტის შემდეგ განაცხადა.
"პრემიერ-მინისტრი სუგა COVAX-ში შენატანებთან დაკავშირებით სამიტს მომავალ კვირას გამართავს, და ჩვენ იმედი გვაქვს, რომ ეს ძალისხმევა დაგვეხმარება იმის უზრუნველყოფაში, რომ მსოფლიოს მოსახლეობის 30% წლის ბოლომდე იქნება ვაქცინირებული. ევროკავშირი წელს ვაქცინების, სულ მცირე, 100 მილიონი დოზის გაზიარებას გეგმავს", - განაცხადა შარლ მიშელმა.
ევროპული საბჭოს პრეზიდენტის თქმით, ევროკავშირის და იაპონიის პრიორიტეტი პანდემიის დამარცხებაა.
