ევროკომისიამ მიიღო გადაწყვეტილება, რომ გააკონტროლოს უცხოეთში კორონავირუსის საწინააღმდეგო წარმოებული ვაქცინების რეალიზაცია, სანამ მათი მწარმოებელი კომპანიები არ შეასრულებენ ევროკავშირის ქვეყნებისთვის მიწოდების ხელშეკრულებით ნაკისრ ვალდებულებებს. ამის შესახებ ევროკომისიის ხელმძღვანელმა, ურსულა ფონ დერ ლაიენმა განაცხადა.
"ევროპამ პირველი ვაქცინების შესაქმნელად მილიარდები ჩადო. ახლა კომპანიებმა თავიანთი ვალდებულებები უნდა შეასრულონ", - დასძინა მან.
ევროკომისარმა ჯანმრთელობის საკითხებში სტელა კირიაკიდესმა განაცხადა, რომ ევროკავშირი არ არის კმაყოფილი AstraZeneca-ს განმარტებით, თუ რატომ გამოაცხადა ევროკავშირში ვაქცინების მომარაგების 60%-იანი შემცირება მიმდინარე წლის პირველ კვარტალში და კომპანიისგან განმარტებებს ითხოვს.
თეკო გიორგაძე
ავტორი