ევროკომისიის ახალი ხელმძღვანელი, გერმანიის თავდაცვის ყოფილი მინისტრი ურსულა ფონ დერ ლაიენი მუშაობას 1 ნოემბერს ვერ შეუდგება. ევროპარლამენტმა დამტკიცებული სამოქმედო გეგმა გადაწია. მიზეზად მათ ის დაასახელეს, რომ ევროკომისრების თანამდებობზე საფრანგეთის, რუმინეთისა და უნგრეთის მიერ წარმოდგენილ კანდიდატებს მხარი არ დაუჭირეს.
უნგრეთის და რუმინეთის კანდიდატურებს სავარაუდო ფინანსურ ინტერესთა კონფლიქტის გამო ეთქვათ უარი. საფრანგეთის კანდიდატი კი სამსახურში ფიქტიურად აყვანის საქმეში ფიგურირებს, რის გამოც მას დანიშვნაზე უარი განუცხადეს.
ურსულა ფონ დერ ლაიენი ევროკომისიის თავმჯდომარედ 2019 წლის ივლისში დაამტკიცეს.
