ევროპარლამენტის დეპუტატები ბელარუსის ხელისუფლების წინააღმდეგ სანქციების გაფართოებისკენ მოუწოდებენ, ასევე აღნიშნავენ, რომ ალექსანდრე ლუკაშენკოს დანაშაული საერთაშორისო სასამართლომ უნდა განიხილოს. ევროდეპუტატებმა შესაბამისი რეზოლუცია მიიღეს.
"ეს უნდა მოხდეს ჩიკაგოს კონვენციის, მონრეალის კონვენციისა და წამების წინააღმდეგ გაერო-ს კონვენციის დარღვევის საფუძველზე, რაც ბელარუსის ხელისუფლებამ ჩაიდინა", - აღნიშნულია რეზოლუციაში.
დეპუტატები ევროკავშირს მოუწოდებენ, გააძლიეროს სამიზნე ეკონომიკური სანქციები და გააგრძელოს მუშაობა სანქციების მე-5 პაკეტზე, რომელიც რეპრესიებში მონაწილე ბელარუს ფიზიკურ და იურიდიულ პირებს მოიცავს.
