ესპანეთის სამოქალაქო გვარდია აცხადებს, რომ დანაშაულებრივი ჯგუფის საქმიანობა აღკვეთა, რომელიც ევროპაში თამბაქოს პირველ მიწისქვეშა ფაბრიკაში თამბაქოს პროდუქციის უკანონო დამზადებით იყო დაკავებული. ამის შესახებ უწყების The Olive Press წერს.
ოპერაცია "ჰანიბალის" ფარგლებში, რომელიც მალაგას პროვინციაში ჩატარდა, სამართალდამცავებმა 13 სახლი გაჩხრიკეს და 20 ადამიანი დააკავეს. ნივთმტკიცების სახით ამოღებულია მზა თამბაქოს პროდუქციის 153 კოლოფი, 17 ტონაზე მეტი მოსაწევი თამბაქო, 20 კილოგრამი ჰაშიში და 144 კილოგრამი მარიხუანა.
გამოძიება აცხადებს, რომ ორგანიზაციის წევრობაში ეჭვმიტანილები ბრიტანეთის, ლიეტუვისა და უკრაინის მოქალაქეები არიან.
ევროპაში თამბაქოს პირველი მიწისქვეშა ფაბრიკა 4 მეტრის სიღრმეში მდებარეობდა. აქ საათში 3.5 ათასი სიგარეტის წარმოება იყო შესაძლებელი.
პოლიციამ ადგილზე 6 თანამშრომელი აღმოაჩინა, რომლებიც შენობაში ჩაკეტილები და გარე სამყაროსგან სრულად იზოლირებულები იყვნენ. მათ ჟანგბადის უკმარისობა აღენიშნებოდათ. ყველა უკრაინის მოქალაქეა.
