2022 წლის პირველ კვირაში ევროპაში COVID-19-ის 7 მილიონზე მეტი ახალი შემთხვევა დაფიქსირდა. ამის შესახებ ჯანდაცვის მსოფლიო ორგანიზაციის ევროპის რეგიონული ოფისის ხელმძღვანელმა ჰანს კლიუგემ ბრიფინგზე განაცხადა.
"10 იანვრის მდგომარეობით, 26 ქვეყანა იტყობინება, რომ მათი მოსახლეობის 1%-ზე მეტი COVID-19-ით ყოველ კვირას ავადდება. სიკვდილიანობის მაჩვენებელი სტაბილური რჩება და მაღალია იმ ქვეყნებში, სადაც ვაქცინაციის დაბალი მაჩვენებელია", - აღნიშნა მან.
ევროპისა და ცენტრალური აზიის 53 ქვეყნიდან 50-ში "ომიკრონი" დაფიქსირდა.
"ის დასავლეთ ევროპაში დომინანტური ვირუსი სწრაფად ხდება და ახლა ბალკანეთში ვრცელდება”, - განმარტა მან.
კლიუგეს თქმით, ამ ტემპებით უახლოეს 6-8 კვირაში რეგიონის მოსახლეობის 50%-ზე მეტი "ომიკრონით" დაინფიცირდება.
ვირუსის გადაცემის უზარმაზარი მასშტაბის გამო, ახლა COVID-19-ით დაავადებული პაციენტების ჰოსპიტალიზაციის რიცხვი იზრდება. ეს გამოწვევას უქმნის ჯანმრთელობის სისტემებსა და სერვისების მიწოდებას ბევრ ქვეყანაში, სადაც შტამი სწრაფად გავრცელდა.
