ევროპის საბჭოს საპარლამენტო ასამბლეის მომხსენებელი პოლ გავანი აზერბაიჯანსა და სომხეთს ეწვევა.
ვიზიტის შემდეგ ის საპარლამენტო ასამბლეის მიგრაციის, ლტოლვილთა და მოსახლეობის კომიტეტის სახელით კონფლიქტის ჰუმანიტარული შედეგების შესახებ ანგარიშს მოამზადებს.
გავანი სომხეთს 19-22 მაისს ეწვევა, ზაფხულში კი აზერბაიჯანში ჩავა.
პოლ გავანი შემოდგომაზე გეგმავს, დაასრულოს მუშაობა ანგარიშზე "სომხეთსა და აზერბაიჯანს შორის კონფლიქტის ჰუმანიტარული შედეგები".
