Facebook კორონავირუსის პანდემიასთან დაკავშირებით, ახლობლების გასამხნევებლად და მზრუნველობის გამოსახატად, მოწონების ემოციებს ახალ "მზრუნველობის" სიმბოლოს ამატებს. ამის შესახებ ინფორმაციას The Verge ავრცელებს.
“ჩვენ მომავალ კვირას ფეისბუკსა და მესენჯერში ახალ “მზრუნველობის რეაქციას” ჩავუშვებთ, რათა ამ უპრეცედენტო დროს ახლობელმა ადამიანებმა ერთმანეთისთვის საკუთარი მხარდაჭერის გამოხატვა შეძლონ", - განაცხადა ფეისბუკის ევროპის, შუა აღმოსავლეთის და აფრიკის კომუნიკაციების მენეჯერმა, ალექსანდრუ ვოიკამ.
Facebook-ის კომუნიკაციების მენეჯერის განცხადებით, აპლიკაციას დაემატება სმაილი, რომელიც გულს ეხუტება, ხოლო მესენჯერს მფეთქავი გულის სიმბოლო.
Weâre launching new Care reactions on @facebookapp and @Messenger as a way for people to share their support with one another during this unprecedented time.
— Alexandru Voica (@alexvoica) April 17, 2020
We hope these reactions give people additional ways to show their support during the #COVID19 crisis. pic.twitter.com/HunGyK8KQw