ამერიკულმა კომპანია Facebook-მა, კორონავირუსის ინფექციის საწინააღმდეგო ვაქცინების შესახებ პოსტებში სპეციალური თეგების დამატება დაიწყო. ინოვაცია განხორციელდა ვაქცინაზე ყალბი ინფორმაციის გავრცელების თავიდან ასაცილებლად. ცნობილია, რომ Facebook-ის გარდა იგივე განმეორდება Instagram-ზეც.
"ჩვენ ვაგრძელებთ ჩვენი მცდელობების გაფართოებას COVID-19-ის ვაქცინების შესახებ დეზინფორმაციის აღმოსაფხვრელად Facebook-ისა და Instagram-ის პოსტებზე ვაქცინების განხილვისას"- ნათქვამია განცხადებაში.
როგორც კომპანიაში განმარტავენ, ეს პროცესი მოიცავს მსოფლიო ჯანდაცვის ორგანიზაციის (WHO) მიერ მოწოდებულ, ვაქცინების უსაფრთხოებასთან დაკავშირებულ საიმედო ინფორმაციას.
მონიშვნის პროცესი მთელ მსოფლიოში გავრცელდა ინგლისურ, ესპანურ, ინდონეზიურ, პორტუგალიურ, არაბულ და ფრანგულ ენებზე. უახლოეს მომავალში ის სხვა ენებზეც იქნება ხელმისაწვდომი.
