ფარერის კუნძულებზე, მეზღვაურებმა 252 ვეშაპი და 35 ატლანტიკური თეთრი დელფინი მოკლეს. კუნძულზე ვეშაპებზე ნადირობა ყოველწლიურად იმართება. ამის შესახებ გამოცემა Mirror იუწყება.
ოკეანური ფაუნის დაცვის საზოგადოება Sea Shepherd-მა ინციდენტს ბარბაროსული ნადირობა უწოდა.
გამოცემის ცნობით, ეს იყო პირველი მასობრივი ნადირობა 2020 წელს. ვეშაპების ხორცი და ცხიმი 70-მა მეთევზემ გაიყო, დანარჩენილი ნაწილები კი უახლოესი სოფლების მაცხოვრებლებში გადანაწილდა.
ფარერის კუნძულებზე წელიწადში 800 ვეშაპზე ნადირობენ. ყველა მეთევზეს შესაბამისი ლიცენზია და ნადირობის უფლება უნდა ჰქონდეს.
კუნძულების მახლობლად, დაახლოებით 100,000 ვეშაპი ბინადრობს. მათზე ნადირობა რეგიონის კულტურული ტრადიციის განუყოფელი ნაწილია.
