პარიზის პოლიციამ ფერადკანიანი მუსიკალური პროდიუსერის სასტიკად ცემის ფაქტზე სამსახურიდან სამი ოფიცერი დაითხოვა. ცემის ფაქტი ფრანგულმა მედიამ გაახმაურა. მათ ეთერში სათვალთვალო კამერის მიერ გადაღებული კადრები მისცეს. ინფორმაციას Independent ავრცელებს.
მუსიკალური პროდიუსერი მიშელი პოლიციამ თავდაპირველად იმის გამო გააჩერა, რომ მას სახეზე პირბადე არ ეკეთა. შემდეგ კი, როგორც თავად აცხადებდნენ, ძალადობისა და წინააღმდეგობის გაწევის გამო ის დააკავეს. მიშელი აცხადებს, რომ ის პოლიციელების მხრიდან ფიზიკური და რასობრივი ძალადობის მსხვერპლი გახდა.
Ãa s'est passé samedi à Paris. 15 minutes de coups et d'insultes racistes.
— Loopsider (@Loopsidernews) November 26, 2020
La folle scène de violences policières que nous révélons est tout simplement inouie et édifiante.
Il faut la regarder jusqu'au bout pour mesurer toute l'ampleur du problème. pic.twitter.com/vV00dOtmsg
პოლიციელის მხრიდან დაკავებულზე ძალადობის ფაქტს მკაცრი რეაქცია მოჰყვა საფრანგეთის პრეზიდენტის ემანუელ მაკრონის, შინაგან საქმეთა მინისტრისა და პარიზის მერის მხრიდან. მათ დაგმეს მომხდარი და განაცხადეს, რომ კანონდამრღვევმა სამართალდამცავებმა პოლიციელის უნიფორმა და რესპუბლიკის ღირსება შეურაცხჰყვეს. მომხდარზე აღძრულია სისხლის სამართლის საქმე. მიმდინარეობს გამოძიება.