თურქეთის პოლიციამ უცხო ქვეყნის 20 მოქალაქე დააკავა, რომლებიც "ისლამური სახელმწიფოს" დაჯგუფებასთან კავშირში არიან ეჭვმიტანილები. სპეცოპერაცია თურქეთის ანტიტერორისტულმა პოლიციამ ანკარაში ჩაატარა.
სპეცოპერაცია მას შემდეგ ჩატარდა, რაც ამერიკის შეერთებულმა შტატებმა სირიაში, "ისლამური სახელმწიფოს" ლიდერის, აბუ ბაქრ ალ-ბაღდადის ლიკვიდაციის შესახებ განაცხადა.
ტერაქტების სამიზნე 2016-2017 წლებში თურქეთიც გახდა. თავდასხმებს, რომლებშიც "ისლამური სახელმწიფო" და ქურთების შეიარაღებული დაჯგუფებები დაადანაშაულეს, 300 ადამიანი ემსხვერპლა.
მედეა ცხოვრებაძე
ავტორი