იტალიელი კინოპროდიუსერი ალბერტო გრიმალდი 95 წლის ასაკში გარდაიცვალა. ამის შესახებ Variety-ს მისმა ვაჟმა, მაურიციო გრიმალდი აცნობა. მან აღნიშნა, რომ მამის გარდაცვალება ბუნებრივი მიზეზებით მოხდა.
ალბერტო გრიმალდი ისეთი ცნობილი ფილმების პროდიუსერი იყო, როგორიცაა "რამდენიმე დოლარით მეტი" და სერჟიო ლეონეს "კარგი, ცუდი, ბოროტი" კლინტ ისტვუდით მთავარ როლში, ბერნარდო ბერტოლუჩის "უკანასკნელი ტანგო პარიზში", არტურ ჰილერის "კაცი ლა-მანჩიდან" სოფია ლორენის მონაწილეობით, ფედერიკო ფელინის "ჯინჯერი და ფრედი", მარტინ სკორსეზეს "ნიუ-იორკის ბანდები". საერთო ჯამში, მას 80-ზე მეტ ფილმზე უმუშავია.
