Android-ის მოწყობილობების მილიონობით მფლობელი Google Play-ში ხელმისაწვდომი პოპულარული, თუმცა საშიში აპლიკაციების მსხვერპლი გახდა. ამის შესახებ გამოცემა Forbes წერს.
გამოცემა განმარტავს, რომ საუბარია SuperVPN-ზე, GeckoVPN-სა და ChatVPN-ზე. ამ აპლიკაციების გამოყენებით, მომხმარებელთა დიდი რაოდენობის პირადი მონაცემები იქნა მოპარული.
CyberNews-ის კვლევითი ჯგუფის ინფორმაციით, აღნიშნული პროგრამები ჯამში 100 მილიონზე მეტჯერ არის გადმოწერილი. მათგან, ჰაკერებმა 21 მილიონი მომხმარებლის პირადი მონაცემები, მათ შორის სახელი, ელ ფოსტა, მისამართები და მნიშვნელოვანი ფაილები მოიპარეს.
Android-ის მოწყობილობების მფლობელებმა გაფრთხილება მიიღეს. მათ აღნიშნული პროგრამების წაშლისკენ მოუწოდებენ.