Forbes-ის ჟურნალმა მსოფლიო მილიარედერების განახლებული რეიტინგი გამოაქვეყნა.
ზედიზედ ოთხი წელია პირველ ადგილს კომპანია Amazon-ის დამფუძნებელი ჯეფ ბეზოსი იკავებს. მისმა ქონებამ 177 მილიარდ დოლარს მიაღწია. მისი შემოსავალი 2020 წელს 64 მილიარდით გაიზარდა.
მეორე ადგილი Tesla-ს და SpaceX-ის თავკაცმა, ილონ მასკმა დაიკავა. მისი ქონება 151 მილიარდ დოლარად არის შეფასებული. აღსანიშნავია, რომ გასულ წელს, მასკი მილიარდერთა სიაში მხოლოდ 31-ე იყო. მისი ქონება 25 მილიარდს შეადგენდა. მასკის აქტივების ღირებულების ზრდის ძირითადი მიზეზი ტესლას საფონდო კვოტირების რვაჯერადი ზრდა გახდა.
რეიტინგში მესამე ადგილი დაიკავა Louis Vuitton Moët Hennessy-ის კომპანიების ჯგუფის პრეზიდენტმა ბერნარდ არნომ. ფრანგის ქონება 150 მილიარდ დოლარად არის შეფასებული.
მეხუთე ადგილს, 124 მილიარდი დოლარით, ბილ გეიტსი იკავებს. მას Facebook- ის დამფუძნებელი მარკ ცუკერბერგი მოყვება, რომლის ქონებაც 97 მილიარდ დოლარს უტოლდება.
საინტერესოა, რომ რეიტინგის მონაწილეების საერთო ფინანსური მდგომარეობა, კორონავირუსის პანდემიის მიუხედავად, 64% -ით გაიზარდა და მოგებამ 13 ტრილიონ დოლარზე მეტს მიაღწია. მილიარდერთა სია გასულ წელს 660-ით გაიზარდა.