"დიდი შვიდეულის" ჯგუფის (G7) ქვეყნების ლიდერები ტაივანის სრუტეში მშვიდობისა და სტაბილურობისკენ მოწოდებით გამოვიდნენ.
”ჩვენ მხარს ვუჭერთ მშვიდობისა და სტაბილურობის მნიშვნელობას ტაივანის სრუტეში”, - ნათქვამია G7-ის მიერ მიღებულ დოკუმენტში. ასეთი ფრაზა პირველად ჩანს G7- ის ლიდერების ერთობლივ განცხადებაში.
G7- ის ქვეყნებმა პეკინს მოუწოდეს, პატივი სცეს ჩინეთის სახალხო რესპუბლიკის სინჯიანგ-უიღურის ავტონომიურ რეგიონში უიღურთა უფლებებსა და თავისუფლებებს, აგრეთვე ჰონგ კონგის ავტონომიას.
