გაერო ეთიოპიაში მშვიდობიანი მოსახლეობის მკვლელობისა და ეთნიკური დაძაბულობის გენოციდში გადაჭრის საშიშროების გამო შეშფოთებას გამოხატავს. ამის შესახებ განცხადება ორგანიზაციის ოფიციალურ ვებგვერდზე გამოქვეყნდა.
გენოციდის საკითხებში გაერო-ს სპეციალური მრჩეველების, პრამილა პატენისა და კარენ სმიტის განცხადებით, ორგანიზაცია ღრმა მწუხარებას გამოთქვამს ეთიოპიაში ეთნიკური დაძაბულობის გამწვავებისა და ტიგრაის რაიონში ბოლოდროინდელი სამხედრო შეტაკებების გამო, რასაც, სავარაუდოდ, მრავალი მშვიდობიანი მოქალაქე ემსხვერპლა.
განცხადებაში ხაზგასმულია, რომ ”ეთნიკური თავდასხმები წარმოადგენს საშიშ ტრაექტორიას, რომელიც ზრდის გენოციდის, ომის დანაშაულების, ეთნიკური წმენდისა და კაცობრიობის წინააღმდეგ მიმართული დანაშაულის რისკს".
"თუ ტიგრაის ეროვნული რეგიონალური ძალები და ეთიოპიის მთავრობის ძალები საბრძოლო მოქმედებებს განაგრძობენ, არსებობს რისკი, რომ სიტუაცია კონტროლიდან მთლიანად გამოვიდეს.
ჩვენ კატეგორიულად მოვუწოდებთ ეთიოპიის ხელისუფლებას, დაუყოვნებლივ მიიღონ ზომები, რათა დაიცვან მშვიდობიანი მოსახლეობა ძალადობისგან", - ნათქვამია გაერო-ს განცხადებაში.
#Ethiopia: Amid emerging reports of mass killings in the town of Mai-Kadra, @mbachelet expresses increasing alarm at rapidly deteriorating situation in #Tigray: "I strongly urge both sides to realize that there will be no winner in such a situation" https://t.co/vClDLmDjYW pic.twitter.com/zwSNvYJo0U
— UN Human Rights (@UNHumanRights) November 13, 2020
