გაერო-მ მალის ჩრდილოეთით საერთაშორისო ძალების სამხედრო ბანაკებზე სარაკეტო თავდასხმა დაგმო. ინფორმაციას გაერო-ს მისიის პრესსამსახური ავრცელებს.
ცნობილია, რომ 30 ნოემბერს შეიარაღებულმა პირებმა სამხედრო ბანაკების მიმართულებით სარაკეტო იერიშები განახორციელეს ქალაქ კიდალში, მენაკასა და გაოში. ასევე ცნობილია, რომ თავდამსხმელებმა მენაკას სამხედრო ბანაკს, სულ მცირე, 6 რაკეტა ესროლეს.
"ჩვენ უმკაცრესად ვგმობთ დღეს საერთაშორისო ძალების მიმართ განხორციელებულ თავდასხმებს. ჩვენ სოლიდარობას ვუცხადებთ ჩვენს პარტნიორებს და ყველაფერს ვაკეთებთ იმისათვის, რომ ჩვენი მანდატები შევასრულოთ და მალიში მშვიდობა დამყარდეს", - განაცხადა გაერო-ს მრავალგანზომილებიანი ინტეგრირებული სტაბილიზაციის მისიის (MINUSMA) ხელმძღვანელმა.
თეკო გიორგაძე
ავტორი