გერმანიის საავადმყოფოები, რომლებსაც ამის შესაძლებლობა აქვს, იტალიიდან კორონავირუსის დიაგნოზით სულ მცირე 47 პაციენტს მიიღებს. ეს ქვეყნისადმი ევროპული სოლიდარობის ნიშანი იქნება.
ამის შესახებ გერმანიის საგარეო საქმეთა მინისტრმა, ჰეიკო მაასმა განაცხადა.
"ჩვენ იტალიელ მეგობრებს მხარს ვუჭერთ. ამის დაძლევა მხოლოდ ერთად შეგვიძლია", - განაცხადა მაასმა.
რობერტ კოხის ინსტიტუტის მონაცემებით, გერმანიაში კორონავირუსით ინფიცირებულთა რიცხვი 42 288-მდე გაიზარდა, 253 ადამიანი გარდაიცვალა.
