გერმანიაში COVID-19-ის სტაციონარული მკურნალობის ღირებულება საშუალოდ 10 700 ევროს შეადგენს. ამის შესახებ გერმანული გამოცემა Deutsche Welle წერს.
გამოცემა აღნიშნავს, რომ აღნიშნულ ფასში არ შედის მართვით სუნთქვით აპარატზე მყოფი პაციენტების მკურნალობის ხარჯები. სუნთქვითი აპარატით მკურნალობის ღირებულება დამატებით 5 ათას ევროს შეადგენს.
გერმანიაში ჯანმრთელობის დაზღვევის სახელმწიფო ფონდების უდიდესი ასოციაციის ინფორმაციით, ასოციაცია კორონავირუსით ინფიცირებული პაციენტების მკურნალობის ხარჯებს ანაზღაურებს. ასოციაციამ ამ დრომდე 26,5 მილიონი ადამიანის - გერმანიის მოსახლეობის თითქმის მესამედის - მკურნალობის ხარჯები აანაზღაურა.
რობერტ კოხის ინსტიტუტის მონაცემებით, 18 ოქტომბერს გერმანიაში კორონავირუსით ინფექციების 5 587 ახალი შემთხვევა გამოვლინდა. ეპიდემიის გავრცელებიდან დღემდე COVID-19-ით 361,733 ადამიანი დაინფიცირდა. გარდაცვლილთა რიცხვი 9,800-ს აღემატება.
