გერმანიაში ტერორისტული ორგანიზაცია "ისლამური სახელმწიფოს" სავარაუდო მხარდამჭერების წინააღმდეგ სპეცოპერაცია ჩატარდა. დაკავებულთა შორის რუსეთის ორი მოქალაქეა. ინფორმაციას დიუსელდორფის გენერალურ პროკურატურაზე დაყრდნობით პორტალი DN News ავრცელებს.
ოპერაცია ჩრდილოეთ რაინ-ვესტფალიის ფედერალური მიწის დიურენის რაიონში ჩატარდა. მასში 350-მდე პოლიციელი მონაწილეობდა.
უწყებაში განმარტავენ, რომ დიურენის რაიონში "სახელმწიფოსთვის საფრთხის შემცველი ძალადობის სერიოზული აქტის" მომზადებაში 5 ადამიანია ეჭვმიტანილი, რომელთა ასაკი 16-დან 22-წლამდე მერყეობს.
ორი მათგანი 16 და 17 წლისაა, მათ აქვთ გერმანიის და რუსეთის მოქალაქეობა, კიდევ ორი ეჭვმიტანილი - 16 და 22 წლის - გერმანიის მოქალაქეა, მე-5 კი 18 წლის თურქეთის მოქალაქეა.
პოლიციის ცნობით, მათ ტერაქტის მოსამზადებლად ტერორისტული მოძრაობის პროპაგანდისტული მასალების გამოყენებაში ადანაშაულებენ.
სხვა დეტალები ჯერჯერობით უცნობია, რადგან გამოძიება არასრულწლოვანებს ეხება.
