გერმანიაში ძალაში შევიდა ქვეყნის მთავრობის მიერ გამოცემული განკარგულება, რომლის თანახმადაც, კორონავირუსზე ვაქცინირებული პირებისათვის გარკვეული შეზღუდვები მოიხსნება. ამის შესახებ გამოცემა Detsche Welle წერს.
გამოცემის ცნობით, გერმანიის მაცხოვრებლებს, რომლებიც კორონავირუსის საწინააღმდეგო ვაქცინით სრულად არიან ვაქცინირებულები, კომენდანტის საათის პერიოდში ქუჩაში გადაადგილება თავისუფლად შეეძლებათ.
ამას გარდა, არასასურსათო მაღაზიებში, სალონებში და მუზეუმებში სტუმრობისას, ვაქცინირებული პირებისათვის სწრაფი ტესტის გაკეთება სავალდებულო აღარ იქნება.
ვაქცინირებული პირები კვლავ ვალდებულნი არიან ატარონ პირბადეები და შეინარჩუნონ 1.5 მეტრიანი დისტანცია.
