გერმანიის საგარეო საქმეთა სამინისტრომ ბოდიში მოიხადა ვიზებთან დაკავშირებით უხერხული ხუმრობის გამო და "ტვიტერის" გვერდიდან შეტყობინება წაშალა.
16 იანვარს გერმანიის საგარეო საქმეთა სამინისტრო ფლეშმობს შეუერთდა ჰეშთეგით #SeduceSomeonein4Words. შეტყობინება 4 სიტყვიანი პოსტის დაწერას გულისხმობდა, რომელიც მკითხველს „მოხიბლავდა“. სამინისტროს ინგლისურენოვან ანგარიშზე ეწერა "Your visa got approved" („თქვენი ვიზა დამტკიცებულია“). შეტყობინებას უამრავი მოწონება და გაზიარება ჰქონდა, თუმცა ბევრი კრიტიკაც მოჰყვა იმ ადამიანების მხრიდან, ვინც რთულ პროცედურებს გადის გერმანიის ვიზის მისაღებად.
მოგვიანებით სამინისტრომ ტვიტი წაშალა და ბოდიში მოიხადა.
"ჩვენ ვიცით, რომ ვიზების მიღება რთული პროცესია და საბოლოო გადაწყვეტილება შეიძლება მძიმედ აისახოს ადამიანების ცხოვრებაზე. ჩვენი კოლეგები ძალიან სერიოზულად ეკიდებიან ამ გადაწყვეტილებებს“, ნათქვამია სამინისტროს განცხადებაში.
Being funny is apparently not always our strong suit. We deleted the tweet below and apologize to all who were offended by this. We know the visa process is complex, and visa decisions can deeply affect peoples lives. Our colleagues take these decisions very seriously. pic.twitter.com/VP7dmH6l05
— GermanForeignOffice (@GermanyDiplo) January 16, 2020
მედეა ცხოვრებაძე
ავტორი