ღაზას სექტორში ისრაელის იერიშს კიდევ 10 პალესტინელი ემსხვერპლა, მათ შორის, 8 ბავშვი და 2 ქალი. ამის შესახებ საინფორმაციო სააგენტო Anadolu წერს.
პალესტინის ჯანდაცვის ადმინისტრაციის ინფორმაციით, კონფლიქტის დაწყებიდან დღემდე, ღაზას სექტორზე ისრაელის თავდასხმების შედეგად, 139-მდე ადამიანი დაიღუპა, 950-მდე დაშავდა. დაღუპულთა შორის 39 ბავშვი და 22 ქალია.
ისრაელის თავდაცვის ძალების ინფორმაციით, გასული ღამის განმავლობაში, ღაზას სექტორიდან მათი მიმართულებით 200-ზე მეტი რაკეტა გაუშვეს. კონფლიქტის დაწყებიდან დღემდე კი პალესტინელებმა ღაზას სექტორიდან ისრაელის მიმართულებით 2 000-ზე მეტი რაკეტა გაისროლეს.
შეტაკებას მსხვერპლი მოჰყვა ისრაელის მხრიდანაც. დაღუპულია 8 ადამიანი, მათ შორის ორი არასრულწლოვანი.
