გოგონამ საკუთარი დედა ქორწილიდან გააგდო, ამის მიზეზი კი მის მიერ წარმოთქმული მისალოცი სიტყვა გახდა. Daily Star-ის ცნობით, გოგონას და დედამისს დაძაბული ურთიერთობა ჰქონდათ, რის გამოც პატარძალი დიდხანს ფიქრობდა დაეპატიჟებინა თუ არა იგი ქორწილში. მან საბოლოოდ დედის დაპატიჟება გადაწყვიტა.
პატარძლის დედა ცერემონიის დროს სიტყვით გამოვიდა და ახლადშეუღლებულები დალოცა. თავდაპირველად, მისი გამოსვლა მილოცვითა და ხუმრობით დაიწყო, თუმცა მოგვიანებით უხეშობასა და დაპირისპირებაში გადაიზარდა. დედამ გოგონას ფინანსურ და ჯანმრთლობის პრობლემებზე სტუმრების თანდასწრებით ისაუბრა. კულმინაცია იყო გოგონას შედარება გაფუჭებულ პროდუქტთან, რის შემდეგაც ქალიშვილმა მას მიკროფონი წაართვა და ქორწილის დატოვება მოსთხოვა.
სტუმრების განცხადებით, დედამ გოგონა სახალხოდ დაამცირა და ქორწილიდან გაგდებას იმსახურებდა.
