ბიონსე, ტეილორ სვიფტი და დუა ლიპა Grammy 2021 წლის დაჯილდოების ნომინაციებში ლიდერობენ. ბიონსემ ამჯერად 9 ნომინაცია მიიღო, მათ შორისაა დუეტი Savage, რომელიც მან Megan Thee Stallion ჩაწერა, კომპოზიცია Black Parade ალბომიდან The Lion King: The Gift, კლიპი Brown Skin Girl და აუდიოვიზუალური ნამუშევარი Black Is King.
2021 წლის Grammy-ზე ტეილორ სვიფტსა და დუა ლიპას თითოეულს 6 ნომინაცია აქვთ.
ცნობილია, რომ ამერიკის ხმისჩამწერი აკადემიისგან ვერც ერთი ნომინაცია ვერ მიიღო კანადელმა მუსიკოსმა, აბელ ტესფაიემ, რომელიც სასცენო სახელით, The Weeknd-ით არის ცნობილი. ამის გამო მან Twitter-ზე მაშინვე უპასუხა Grammy-ის.
"გრემი რჩება კორუმპირებული. თქვენ ჩემთან, ჩემს თაყვანისმცემლებთან და მთელი ინდუსტრიის წინაშე ვალში ხართ", - განაცხადა შემსრულებელმა.
ამერიკის ხმისჩამწერი აკადემიის რიგით 63-ე დაჯილდოების ცერემონია 2021 წლის 31 იანვარს გაიმართება, რომელსაც კომიკოსი ტრევორ ნოა უმასპინძლებს.
თეკო გიორგაძე
ავტორი