მსოფლიომ უნდა შეწყვიტოს „ომი ბუნების წინააღმდეგ“. ჩვენ უნდა ვიპოვოთ მეტი პოლიტიკური ნება, რათა შევაჩეროთ კლიმატის ცვლილებები. ამის შესახებ გაერო-ს გენერალურმა მდივანმა ანტონიუ გუტიერეშმა განაცხადა მადრიდში, გლობალური კლიმატის სამიტის დაწყებამდე.
„ჩვენ, უბრალოდ, უნდა შევწყვიტოთ თხრა და ბურღვა. უნდა გამოვიყენოთ ის უნიკალური შესაძლებლობები, რასაც განახლებადი ენერგია გვაძლევს“, - თქვა მან.
გაერო-ს გენერალურმა მდივანმა აღნიშნა, რომ მსოფლიოს ბევრი ქვეყანა საერთოდ არ ერთვება გლობალური საფრთხის წინააღმდეგ ბრძოლაში. მან პოლიტიკური ნების ნაკლებობას გაუსვა ხაზი.
გაერო-ს კლიმატის სამიტი ხვალ დაიწყება და 13 დეკემბრამდე გასტანს.
