ჰელსინჰის აეროპორტში ძაღლები მგზავრებს კორონავირუსზე სუნით შეამოწმებენ. ცხოველებს ვირუსის ამოცნობა სატესტო ხელსახოცებით ასწავლეს. ამის შესახებ The New York Times წერს.
პირველ რიგში, შეამოწმებენ მგზავრებს, რომლებიც უცხოეთიდან ჩამოვიდნენ.
ადამიანებს სთხოვენ, ხელსახოცით კანი გაიწმინდონ. შემდეგ მას სპეციალურ ჭურჭელში აგდებენ და ძაღლს აჩვენებენ. ის ხელსახოცს ყნოსავს და ადგენს, აქვს თუ არა მგზავრს COVID-19.
დადებითი პასუხის შემთხვევაში ადამიანს საინფორმაციო-სამედიცინო პუნქტში აგზავნიან, სადაც ის შემდგომ ინსტრუქციებს იღებს.
ექსპერიმენტი ძაღლების გამოყენებით 4 თვე გაგრძელდება.
