ჰოლივუდური კომპანია SK Global Entertainment კორონავირუსის ინფექციის შესახებ ფილმს გადაიღებს. ამის შესახებ Wall Street Journal იუწყება.
გამოცემის ინფორმაციით, ფილმში მოქმედება ჩინეთში განვითარდება და ძირითადი აქცენტი კორონავირუსის წარმოშობაზე გაკეთდება.
ფილმის რეჟისორის, ჩარლზ რენდოლფის განცხადებით, ფილმი სამედიცინო დრამა იქნება და უცნობი ინფექციის აღმომჩენი ექიმის შესახებ მოგვითხრობს.
ფილმის გადაღებების დაწყება 2021 წლის პირველ ნახევარში იგეგმება.
