ჰონგ-კონგი ინფექციის მეხუთე ტალღის წინაშე დგას. ამის შესახებ გამოცემა The Guardian წერს.
გამოცემის ცნობით, ინფიცირების ახალი შემთხვევების ზრდა სპორტ-დარბაზების კლასტერთან არის დაკავშირებული. ვინაიდან სავარჯიშო დარბაზები ქალაქის ცენტრალურ ბიზნეს რაიონში დასაქმებულებში უდიდესი პოპულარობით სარგებლობს მსხვილ კომპანიებს საკუთარი თანამშრომლების სავალდებულო ტესტირება დაევალათ.
ინფექციის აფეთქების გამო ხელისუფლებამ ოთხი საცხოვრებელი კორპუსი ჩაკეტა.
ჰონგ-კონგში ეპიდემიის გავრცელებიდან დღემდე კორონავირუსით სულ 11 258 ადამიანი დაინფიცირდა, ხოლო 203 ინფიცირებული გარდაიცვალა.
