ატომური ენერგიის საერთაშორისო სააგენტომ (IAEA-მ) 80 ქვეყანას COVID-19-ის სადიაგნოსტიკო აღჭურვილობა გადასცა. ამის შესახებ ორგანიზაციის პრესცენტრში განაცხადეს.
საუბარია 250 პარტიაზე, რომელშიც სადიაგნოსტიკო აპარატურა და ინსტრუმენტები, ტესტირების პროცესის დაჩქარებისთვის რეაქტივები და სახარჯი მასალა, ინდივიდუალური დაცვის საშუალებები და ლაბორატორიული კაბინეტები შედის, რაც აღებული ნიმუშების უსაფრთხო ანალიზს ემსახურება.
პირველი ქვეყანა, რომელმაც დახმარება მიიღო, პერუ გახდა. ჯამში ატომური ენერგიის საერთაშორისო სააგენტოს დახმარებისთვის 120-მა ქვეყანამ მიმართა.
