ჰოკაიდოს უნივერსიტეტის (იაპონია) მეცნიერებმა ვირუსების გენომის მუტაციების რეპროდუცირების ახალი მეთოდი წარმოადგინეს. ინფორმაციას ამის შესახებ Kyodo News ავრცელებს.
”ეს მეთოდი საშუალებას გვაძლევს გაცილებით სწრაფად შევისწავლოთ SARS-CoV-2 მუტაციის ბიოლოგიური მახასიათებლები”, - განაცხადა კვლევის ავტორმა შიჰო ტოკიიმ.
კორონავირუსების არსებული გრძელი გენომების შესწავლა მისი მუტაციების რეკონსტრუქციის ხანგრძლივ პროცესს საჭიროებს, რასაც რამდენიმე თვე სჭირდება. ახალი მეთოდის დახმარებით კი შესაძლებელი გახდა პროცესის შემცირება ორ კვირამდე.
ცნობისთვის, მუტირებულმა კორონავირუსმა, რომელიც უფრო სწრაფად ვრცელდება, თითქმის სრულად ჩაანაცვლა ორიგინალი იაპონიის ჰიოგოსა და ოსაკას პრეფექტურებში. ასევე იზრდება ახალი შტამით ინფიცირებულთა რაოდენობა იაპონიის დედაქალაქ ტოკიოში.