იაპონია დიდი შვიდეულის დღეს არსებული ფორმატით შენარჩუნების მომხრეა და მის გაფართოებას მხარს არ უჭერს. ამის შესახებ განცხადება ქვეყნის მინისტრთა კაბინეტის გენერალურმა მდივანმა, იოსიხიდე სუგამ განაცხადა.
საქმე ეხება დიდი შვიდეულის სექტემბერში დაგეგმილ სამიტს, რომელშიც, შესაძლოა, მონაწილეობა რუსეთმა, სამხრეთ კორეამ, ავსტრალიამ და ინდოეთმა მიიღოს.
იოსიხიდე სუგას არ დაუკონკრეტებია, აცნობეს თუ არა უკვე ვაშინგტონს, რომ ტოკიო G7-ის სამიტში სამხრეთ კორეის მონაწილეობას მხარს არ უჭერს.
სამიტის გაფართოებული ფორმატით ჩატარებას მხარს არ უჭერს არც კანადა, საფრანგეთი და დიდი ბრიტანეთი. ამ საკითხზე მათ პოზიცია უკვე გამოხატეს.
ავსტრალიამ და სამხრეთ კორეამ დაადასტურეს მზადყოფნა სამიტში მონაწილეობის თაობაზე. G7-ის სამიტის გაფართოებული ფორმატით ჩატარების ინიციატივით ვაშინგტონი 30 მაისს გამოვიდა.
მედეა ცხოვრებაძე
ავტორი