იაპონიაში სექტემბრის დასაწყისიდან დათვების თავდასხმის შედეგად 63 ადამიანი დაშავდა, ორი მათგანი გარდაიცვალა. ინფორმაციას ამის შესახებ იაპონიის გარემოს დაცვის სამინისტროზე დაყრდნობით NHK ავრცელებს.
ხელისუფლება დათვების თავდასხმის პრევენციის მიზნით ზომების მიღებას გეგმავს. ცხოველთა უფლებადამცველები კი ამბობენ, რომ ისინი დასახლებულ პუნქტებში საკვების დეფიციტის გამო ჩამოდიან,
ეკოლოგების თქმით, თუკი დათვებს ადგილზე საკმარისი ოდენობის საკვები არ ექნება, ადამიანებზე თავდასხმები გაგრძელდება.
"პრობლემის გადაჭრის ერთ-ერთი გზა, შესაძლოა, კვების უსაფრთხო ადგილების შექმნაა", - ამბობენ ისინი.
