2021 წელს ტოკიოში ოლიმპიადის ჩატარება შეუძლებელი იქნება, თუ ახალი კორონავირუსის პანდემია დაძლეული არ იქნება, - ამის შესახებ იაპონიის პრემიერ-მინისტრმა შინზო აბემ განაცხადა.
"ამ კუთხით დიდი მნიშვნელობა ექნება კორონავირუსის საწინააღმდეგო წამლის და ვაქცინის შექმნას", - განაცხადა პრემიერმა.
მანამდე გამოცემა Nikkan Sports News-თან მიცემულ ინტერვიუში 2020 წლის ოლიმპიადის საორგანიზაციო კომიტეტის წევრმა, იოშირო მორიმ განაცხადა, რომ 2021 წელს ტოკიოს თამაშები გაუქმდება, თუკი COVID-19-ის პანდემია დაძლეული არ იქნება.
ტოკიოს ოლიმპიადა 2020 წლის ზაფხულში უნდა გამართულიყო, თუმცა პანდემიის გამო თამაშები 2021 წლის ივნისისთვის გადაიტანეს.