აზერბაიჯანის პრეზიდენტი ილჰამ ალიევი ტელეფონით ესაუბრა საზღვარზე დაღუპული აზერბაიჯანელი გენერალ-მაიორი ფოლად ჰაშიმოვის დედას, სამაია ჰაშიმოვასა და პოლკოვნიკ ილგარ მირზოევის შვილს, ელვინს.
ალიევმა გარდაცვლილთა ოჯახებს მიუსამძიმრა და გამძლეობა უსურვა.
აზერბაიჯანის პრეზიდენტმა განაცხადა, რომ დაღუპული ჯარისკაცების გმირობა დავიწყებას არასდროს მიეცემა.
სომხეთ-აზერბაიჯანის საზღვარზე დაღუპული აზერბაიჯანელი გენერალ-მაიორი ფოლად ჰაშიმოვი და პოლკოვნიკი ილგარ მირზოევი "შეჰიდთა ხეივანში" დღეს დაკრძალეს.
