აზერბაიჯანის პრეზიდენტი ილჰამ ალიევი სომხეთის ხელისუფლებას ნავთობსა და გაზსადენთან დაკავშირებით მკაცრად აფრთხილებს. ამის შესახებ მან Haber Türk- თან ინტერვიუში განაცხადა.
კითხვაზე - "სომხეთმა განახორციელა იერიშები, რომელთა სამიზნე TANAP და სხვა მილსადროგორ უყურებს ამ ყველაფერს ევროპა, რომელსაც ენერგორესურსები სჭირდება, ალიევი პასუხობს:
"ისინი ცოტა შეშფოთებულები არიან. მაგრამ, რა თქმა უნდა, ამას გავითვალისწინებთ, რადგან სომხეთისგან ყველაფერია მოსალოდნელი. თოვუზის რეგიონში ივლისში მომხდარი შეტაკებების ერთ-ერთი მიზეზი ესეც იყო - ამ მილსადენთან მიახლოება ან მათი კონტროლის ქვეშ შენარჩუნება. სწორედ ამიტომ მათ ჩვენს ტერიტორიაზე შესვლა და ახალი მიწების ოკუპაცია სურდათ. მაგრამ მათ მარცხის სიმწარე განიცადეს.
2006 წლიდან, როდესაც ექსპლუატაციაში შევიდა ბაქო-თბილისი-ჯეიჰანი, დღემდე აზერბაიჯანის ტერიტორიაზე მილსადენების უსაფრთხოებასთან დაკავშირებით არც ერთი პრობლემა არ ყოფილა, არც ერთი - არც ტექნიკური და არც რაიმე პროვოკაცია. იმიტომ რომ აზერბაიჯანის ტერიტორიაზე ჩვენ გვაქვს საკმარისად განვითარებული თავდაცვის სისტემა. მიმდინარეობს მონიტორინგი, ფიზიკური დაცვა და ელექტრონული საშუალებებით დაცვა. მილსადენის მიწისქვეშა მდებარეობა, სიღრმეში, რა თქმა უნდა, გარკვეულწილად იცავს მას საჰაერო შეტევებისგან.
თუ სომხეთი ამ ბინძურ ზრახვებს განახორციელებს, ანუ გეგმებს მილსადენების მწყობრიდან გამოყვანის შესახებ, პასუხი მათ ქმედებებზე ძალიან მკაცრი იქნება. ჩვენ უკვე გავაფრთხილეთ ისინი ამის შესახებ. ვთვლი, რომ ევროპის ქვეყნებმა, რომლებიც მომავალ წელს TANAP–ით გაზს მიიღებენ, ასევე უნდა გააფრთხილონ ისინი. რადგან TANAP მხოლოდ ჩვენი პროექტი არ არის. მას სხვა აქციონერებიც ჰყავს. TAP- ს ევროპელი აქციონერები ჰყავს. ეს პროექტია, რომელსაც ევროპის ენერგეტიკული უსაფრთხოებისთვის განსაკუთრებული მნიშვნელობა აქვს. ამიტომ ჩვენ ყველა დაინტერესებული უნდა ვიყოთ, რომ ამ პროექტს არანაირი ზარალი არ მიადგეს", - განაცხადა ილჰამ ალიევმა.
საერთაშორისო თანამეგობრობა შეშფოთებულია მთიან ყარაბაღში მიმდინარე საომარი მოქმედებებითა და რეგიონში გამავალი მილსადენების უსაფრთხოებით, საიდანაც ნავთობი და გაზი მსოფლიო ბაზარს მიეწოდება.
