აზერბაიჯანის პრეზიდენტმა ილჰამ ალიევმა აზერბაიჯანის სახელმწიფო ნავთობკომპანიის SOCAR-ის სამეთვალყურეო საბჭოს შემადგენლობის დამტკიცების შესახებ ბრძანებას ხელი მოაწერა.
SOCAR-ის სამეთვალყურეო საბჭო აზერბაიჯანის სახელმწიფო ნავთობკომპანიის საქმიანობის ზოგადი მენეჯმენტისა და კონტროლის განსახორციელებლად შეიქმნა.
სამეთვალყურეო საბჭო 7 წევრისგან შედგება. საბჭოს თავმჯდომარეს თანამდებობაზე ნიშნავს და ათავისუფლებს აზერბაიჯანის პრეზიდენტი.
SOCAR-ის სამეთვალყურეო საბჭოს უფლებამოსილებები განკარგულებით განისაზღვრება.