ილონ მასკი პლანეტის უმდიდრესი ადამიანი ისევ გახდა.
Bloomberg-ის ინფორმაციით, ბიზნესმენის ქონება 199 მილიარდ დოლარამდე გაიზარდა.
მასკის წარმატება კომპანია SpaceX-ის გაძვირებას უკავშირდება. კორპორაციის საერთო ღირებულება 74 მილიარდი აშშ დოლარი გახდა.
ჯეფ ბეზოსმა, რომელიც მანამდე პირველ ადგილს იკავებდა, მეორეზე გადაინაცვლა, Amazon-ის მფლობელი ახლა 194 მილიარდ აშშ დოლარს ფლობს. მესამე ადგილზე, 136 მილიარდი დოლარით Microsoft-ის დამფუძნებელი ბილ გეითსია.
