ინდოეთში, მანიპურის შტატში მომხდარი აფეთქების შედეგად პოლიციის 5 თანამშრომელი და ერთი მშვიდობიანი მოქალაქე დაშავდნენ. ინფორმაციას ამის შესახებ India Today ავრცელებს.
გავრცელებული ინფორმაციით, ასაფეთქებელი მოწყობილობა ქალაქის ერთ-ერთ სავაჭრო მოედანზე ამოქმედდა. პოლიციამ რაიონი გადაკეტა. დაშავებულები საავადმყოფოში გადაიყვანეს. მათ სიცოცხლეს საფრთხე არ ემუქრება.
მედიის ინფორმაციით, ინდოეთის ჩრდილო-აღმოსავლეთ რეგიონებში რამდენიმე ექსტრემისტული დაჯგუფება მოქმედებს. აფეთქებაზე პასუხისმგებლობა ჯერჯერობით არავის აუღია.
