21 იანვარს Facebook-ის წარმომადგენლები ინდოეთის საკანონმდებლო ასამბლეის საპარლამენტო ჯგუფის შეხვედრას დაესწრებიან აპლიკაცია WhatsApp-ის კონფიდენციალურობის პოლიტიკაში ცვლილებების შეტანასთან დაკავშირებით. ინფორმაციას ამის შესახებ Reuters ავრცელებს.
შეხვედრაზე Facebook-ის წარმომადგენლებს კითხვებს დაუსვამენ, თუ რატომ უნდა შეიცვალოს WhatsApp-ის კონფიდენციალურობის პოლიტიკა და როგორ იმოქმედებს ეს მომხმარებლებზე.
შეგახსენებთ, რომ WhatsApp, Facebook-ის საკუთრებაა. 2020 წლის იანვრის დასაწყისში დაანონსდა WhatsApp-ის კონფიდენციალურობის პოლიტიკის შეცვლა. ცნობილი გახდა, რომ WhatsApp-ი მომხმარებლის მონაცემებს Facebook-ს გაუზიარებს, თუმცა უკმაყოფილების ტალღის შემდეგ გადაწყდა ახალი კონფიდენციალურობის პოლიტიკის შემოღების გადადება.
აღსანიშნავია, რომ ინდოეთის ელექტრონიკისა და ინფორმაციული ტექნოლოგიების სამინისტრომ WhatsApp-ს სთხოვა, გადახედოს მიდგომებს ინფორმაციის კონფიდენციალურობასთან დაკავშირებით და არჩევანი თავისუფლებისა და მონაცემთა უსაფრთხოების სასარგებლოდ გააკეთოს.