ინდოეთის ჩრდილო-აღმოსავლეთის შტატ მეგჰალაიაში პოლიციამ 6 პირი დიდი რაოდენობის ასაფეთქებელი ნივთიერების შენახვის ბრალდებით დააკავა. პოლიციის განცხადებით, თავდაპირველად, ჯიპის ტიპის ავტომობილში მყოფი ორი პირი დააკავეს, რომლებსაც ასაფეთქებელი ნივთიერება გადაჰქონდათ. მათი დაკითხვის შემდეგ მიღებული ინფორმაციის საფუძველზე კიდევ 4 პირი დააკავეს. ამის შესახებ NDTV წერს.
პოლიციაში აცხადებენ, რომ სპეცოპერაციის დროს საერთო ჯამში, 250 ყუთი, 1 275 კილოგრამი ასაფეთქებელი ნივთიერება ამოიღეს.
გამომძიებლების თქმით, აღნიშნულ ფაქტზე მიმდინარეობს გამოძიება.
თეკო გიორგაძე
ავტორი