ინდოეთში, დასავლეთ ბენგალიის შტატში, უამინდობის შედეგად, სულ მცირე, 14 ადამიანი დაიღუპა და 250 ათასამდე დროებით თავშესაფარშია გადაყვანილი. ინფორმაციას სააგენტო Press Trust of India ავრცელებს.
დაზარალებულ პუნქტებში ხელისუფლებამ კარვები, სასმელი წყალი, ბრინჯი და თბილი ტანსაცმელი გაგზავნა.
სამაშველო ოპერაციებში ქვეითი ჯარების ქვედანაყოფები და სამხედრო ვერტმფრენებია ჩართული.
უმეტესად მამშველები ჰუგლის რაიონში მუშაობენ, რომელიც სტიქიის შედეგად ყველაზე მეტად დაზარალდა.
