ძლიერმა ნალექმა და წყალდიდობამ სამხრეთ შტატ ტამილნადში დაახლოებით 50 000 ადამიანი დააზარალა. ინფორმაციას Radio India ავრცელებს.
შტატის ცნობით, სტიქიის შედეგად ყველაზე მეტად ტამილნადის 12 რაიონი დაზარალდა.
ძლიერი წვიმის შედეგად წყალდიდობის გამო დაზარალებული ტერიტორიებიდან ასობით ადამიანის ევაკუაცია განახორციელა. მათ მისაღებად 150 დროებითი განსახლების ცენტრია შექმნილი.
დაზარალებულ რაიონებში სკოლები და კოლეჯები ორი დღით დაკეტილია. შტატის დედაქალაქში მოძრაობა შეფერხებულია, რიგ რაიონებში შეწყვეტილია ელექტროენერგიის მიწოდება.
ძლიერი წვიმა რეგიონში კიდევ რამდენიმე დღეა მოსალოდნელი.
