ინდონეზიის ხელისუფლება ქვეყნის 4 სამხრეთ პროვინციას გვალვის შესახებ აფრთხილებს. ინფორმაცია კატასტროფების მართვის ეროვნულმა სააგენტომ გაავრცელა.
გვალვა მოსალოდნელია შემდეგ პროვინციებში: აღმოსავლეთ იავა, ბალი, დასავლეთ ნუსა-თენგარა, აღმოსავლეთ ნუსა-თენგარა. მეტეოროლოგების პროგნოზით, ის 20 დღეს გაგრძელდება.
ამ პერიოდში სპეციალისტები შიდა და სასოფლო-სამეურნეო წყალმომარაგების შემცირებას, ასევე ტყის ხანძრებს პროგნოზირებენ.
ამასთან, ინდონეზიის უმეტეს ნაწილში სექტემბრიდან ნოემბრამდე წვიმების სეზონია.
