ინდონეზიაში 5.9 მაგნიტუდის მიწისძვრა მოხდა. ამის შესახებ განცხადებას აშშ-ის გეოლოგიური სამსახური ავრცელებს.
გავრცელებული ინფორმაციით, მიწისძვრის ეპიცენტრი ქალაქ ამბონიდან 158 კმ-ის დაშორებით, 328 კმ-ის სიღრმეზე მდებარეობდა.
ამ დროისათვის, შესაძლო მსხვერპლისა და ზიანის შესახებ ინფორმაცია არ ვრცელდება.
ცნობისთვის, მიმდინარე წლის იანვრის თვეში, ინდონეზიაში მიწისძვრისა და წყალდიდობების შედეგად 96 ადამიანი დაიღუპა, ხოლო დაახლოებით 70,000 ადამიანი იძულებული გახდა საკუთარი სახლი დაეტოვებინა.
